Шарт жасау және наразылық-талап қою жұмысы басқармасының басшысы

Біздің миссиямызға ортақ болатын үміткерлерді күтеміз.

        «Халықаралық бағдарламалар орталығы» АҚ кәсіпқойлар командасы жаңа мүмкіндіктерге дайын болуға және үздіксіз дамуға ниеті бар жаңа қызметкерлерді өз қатарынан көруге қуанышты. Командамыздың бір бөлшегіне айналуға дайын болсаңыз, бізге келіңіз!

«Халық аралық бағдарламалар орталығы» АҚ бос орындарға конкурс жариялайды. Берілген талаптармен мұқият танысып, біліміңіз мен өтіліңіз сәйкес келген жағдайда, түйіндемеңізді cv_hr@bolashak.gov.kz электрондық поштасына жібер

Шарт жасау және наразылық-талап қою жұмысы басқармасының басшысы.

Жұмыс өтіліне қойылатын талаптар: 

заң мамандығы бойынша жұмыс өтілі кемінде 3 жыл, басшылық қызметте кемінде 2 жыл.

Лауазымдық міндеттерін атқару үшін қажет білім:

1) қазақ, орыс тілдерін білу;

2) ҚР Конституциясы, Азаматтық кодексі, Еңбек кодексі, «Акционерлік қоғамдар туралы», «Білім туралы», «Сыбайлас жемқорлыққа қарсы іс-қимыл туралы» ҚР заңдары;

3) Президент жарлықтары, Үкімет қаулылары, ҚР Білім және ғылым министрлігінің бұйрықтары мен білім және ғылым саласындағы басқа да нормативтік-құқықтық актілер, оның ішінде ҚР Үкіметінің 2008 жылғы 11 маусымдағы №573 қаулысымен бекітілген «Болашақ» халықаралық стипендиясын тағайындау үшін үміткерлерді іріктеу қағидалары;

4) Қоғам Жарғысы, Басқарма туралы ереже, Қоғам және оның құрылымдық бөлімшелерінің қызметін реттейтін басқа да нормативтік-құқықтық құжаттар;

5) Қоғамды дамыту стратегиялары мен перспективалары;

6) шет елдердегі білім жүйесінің ерекшеліктері;

7) еңбекті қорғау, қауіпсіздік техникасы, өндірістік санитария және өрт қауіпсіздігі қағидалары мен нормалары;

8) шарттарды жасау және ресімдеу тәртібі.

Функционалдық міндеттері:

1) Басқарманың ағымдағы жұмысын басқару, Қоғам басшылығының тапсырмаларын, нұсқаулары мен бұйрықтарын уақтылы және сапалы орындау;

2) Басқарма және жалпы Қоғам қызметінің мәселелері бойынша алқалы органдар мен комиссиялардың отырыстарына қатысу;

3) наразылық-талап арыз жұмысын, сот тәжірибесі бойынша базаны жүргізу жұмысын, «Болашақ» стипендиясынан айырылған не бас тартқан тұлғалардан қаражатты өтеп алу бойынша жұмысты, атқарушылық өндіріс бойынша жұмысты ұйымдастыру;

4) Қоғам алдындағы дебиторлық берешекті өтеу бойынша дебиторлық және кредиторлық мәселелерді қарау жұмыстарын ұйымдастыру;

5) жобаларды дайындау және «Болашақ» халықаралық стипендиясын тағайындауға конкурс жеңімпаздарымен оқуды ұйымдастыруға арналған шарттарды жасасу бойынша өзге жұмысты, жылжымайтын мүлік кепіл шартын, кепілдіктерді және оларға қосымша келісімдерді дайындау;

6) Қоғам мен заңнамада белгіленген мерзімде кепіл заттарынан ауыртпалықтарды алу үшін қажетті құжаттарды дайындау;

7) нәтижесінде сыбайлас жемқорлық құқық бұзушылықтар жасауға ықпал ететін себептер мен жағдайларды жою бойынша шаралар қабылданатын сыбайлас жемқорлық тәуекелдеріне ішкі талдауды жүзеге асыру;

8) өз құзыреті шегінде мемлекеттік органдарда және басқа да ұйымдарда Қоғам мүддесін білдіру немесе өкілі ретінде әрекет ету.