Үміткердің жеке кабинеті Біздің топтың мүшесі бол!
ХБО АҚ-да жұмыс істеу – әлемдегі өзгеріспен бірге болу.
Компаниядағы мансап
Біздің үміткерлерді іріктеу жүйеміздің басты мақсаты – Қоғамды алға қойылған стратегиялық мақсаттарға қол жеткізу үшін қажетті дағдылары мен құзыреттері бар білікті қызметкерлермен қамтамасыз ету. Қоғам кәсіби қызметте үздік нәтижелерге қол жеткізе алатын әрі соған жетуге дайын білікті қызметкерлерді жұмысқа алуға ұмтылады. Персоналды іріктеу кезінде сенімді жұмыс беруші ретінде компанияның беделін көтеруге бағытталған үздік әдістерді пайдаланады.
Персоналды іріктеудің негізгі қағидаттары:
1 Ішкі жалдаудың артықшылықтары. Қоғам үміткерлерді іріктеу барысында объективтілік пен бейтараптық қағидатын сақтай отырып, өз қызметкерлеріне бос лауазым орындарын толтыру кезінде артық құқық береді. Сонымен қатар, Қоғам «Болашақ» бағдарламасының түлектеріне де артық құқық береді. Қазіргі таңда біздің командамызда «Болашақ» бағдарламасының 14 түлегі бар.
2 Үміткерлердің кәсіби және жекебас қасиеттерінің лауазымдық талаптарға, сонымен қоса компанияның корпоративтік мәдениеті мен дәстүр ерекшеліктеріне сәйкес келуі.
3 Үміткерлерді тең құқық пен мүмкіндіктермен қамтамасыз ету. Бос орындарға үміткерлердің барлығы ешқандай кемсітушіліксіз тең деңгейде конкурстық іріктеуден өтеді.
4 Компанияға келген қызметкерлерге қысқа мерзім ішінде сіңісіп кетуі үшін қолайлы жағдай жасау. Атқаратын қызметіне бейімдеу – жаңа қызметкерлерге тікелей басшыларының, персоналды басқару жөніндегі мамандардың және тәлімгерлердің тарапынан компанияның талаптарымен, жұмыс стандартымен және корпоративтік мәдениеттің ерекшеліктерімен танысуы үшін қолдау көрсету.
5 Кешенді талдау негізінде қызметкерлерді жұмысқа тарту тиімділігін үнемі бағалау: бекітілген үміткерлердің талаптарға сәйкес келуі, ішкі және сыртқы талдаудың нәтижелері, персоналдың ауысу себептері, сонымен қатар қызметкерлер арасында іріктеу рәсімінің сапасы туралы және олардың жұмысқа қабылданар кезде күткен қанағаттану дәрежесіне қатысты сауалнама жүргізу.
БОС ОРЫНДАР
Біздің миссиямызға ортақ болатын үміткерлерді күтеміз.
«Халықаралық бағдарламалар орталығы» АҚ кәсіпқойлар командасы жаңа мүмкіндіктерге дайын болуға және үздіксіз дамуға ниеті бар жаңа қызметкерлерді өз қатарынан көруге қуанышты. Командамыздың бір бөлшегіне айналуға дайын болсаңыз, бізге келіңіз!
«Халық аралық бағдарламалар орталығы» АҚ бос орындарға конкурс жариялайды. Берілген талаптармен мұқият танысып, біліміңіз мен өтіліңіз сәйкес келген жағдайда, түйіндемеңізді cv_hr@bolashak.gov.kz электрондық поштасына жіберіңіз.
Түлектермен жұмыс жүргізу басқармасының бас менеджері
(Осы бос орынға түйіндемелер 2021 жылғы 8 маусымға дейін cv_hr@bolashak.gov.kz электрондық поштасына қабылданады. Түйіндемені жіберген кезде хатта талаптанып отырған бос орынның толық атауын міндетті түрде жазу қажет.)
Ұлыбритания және Құрлықтық Еуропа елдеріндегі оқуды ұйымдастыру басқармасының менеджері
(Осы бос орынға түйіндемелер 2021 жылғы 10 маусымға дейін cv_hr@bolashak.gov.kz электрондық поштасына қабылданады. Түйіндемені жіберген кезде хатта талаптанып отырған бос орынның толық атауын міндетті түрде жазу қажет.)
Солтүстік Америка, ТМД, Азия және Океания елдеріндегі оқуды ұйымдастыру басқармасының менеджері
(Осы бос орынға түйіндемелер 2021 жылғы 10 маусымға дейін cv_hr@bolashak.gov.kz электрондық поштасына қабылданады. Түйіндемені жіберген кезде хатта талаптанып отырған бос орынның толық атауын міндетті түрде жазу қажет.)
Жұртшылықпен байланыс басқармасының бас менеджері
(Осы бос орынға түйіндемелер 2021 жылғы 12 маусымға дейін cv_hr@bolashak.gov.kz электрондық поштасына қабылданады. Түйіндемені жіберген кезде хатта талаптанып отырған бос орынның толық атауын міндетті түрде жазу қажет.)