SUCCESS STORY

 

Мырза Сокуров – «Болашақ» бағдарламасының түлегі. Ұлыбританияның St. Andrews University оқу орнынан «Қаржы» мамандығы бойынша магистратураны тәмәмдаған.

 

Қазіргі уақытта PwC Advisory компаниясында аға менеджер болып жұмыс істейді. Инвестициялардың тартымдылығын талдау мәселелерімен айналысады.

 

Бұдан бөлек KAZGUU университетінің магистранттары үшін Investment Management бойынша сабақ береді.

 

Жетістіктері:

 

– Мырза 8 жыл ішінде PwC салық бөлімінде жұмыс істеді, аудитор қызметін атқарды, қазіргі уақытта консалтингтік жұмыстармен айналысады;

 

– Салық бөлімінде салық салу тұрғысынан тиімді компаниялардың халықаралық құрылымдарын жасады, Дүниежүзілік Банкке Қазақстанның кәсіпкерлік экожүйесін бағалауға көмектесті, Kazakhstan Doing Business Guidе әзірледі;

 

– Аудитор ретінде Қазақстанның көптеген қалаларын аралап, 4 жыл ішінде 40-тан астам кәсіпорында болды. Олардың қатарында ірі мұнай-газ компаниялары, өз саласында танымал жеке компаниялар мен топтар да бар;

 

– Мырза әріптестерімен бірге Еуразия аймағындағы инвестициялық жобалардың тартымдылығына талдау жасап келеді, тұтынушыларға нарық келешегі мен олардың жобаларының әлеуетті тәуекелдерін түсінуге көмектеседі, қаржы модельдерін, бизнес-жоспарларды, техникалық-экономикалық негіздемелер мен стратегияларды әзірлейді. Соңғы 2 жылда олар Қазақстан, Өзбекстан және Могнолияда осындай 17-ден астам жобаны аяқтады;

 

«Болашақ» әлемнің ең мықты университеттерінде оқуға мүмкіндік береді. Барлық мүмкіндіктері бола бермейтін дарынды балалар үшін бұл – «бақытты билет». Бұл – мансаптық мүмкіндіктерге жол ашып, өз Отанымыздағы мамандықтарға пайдалы үлес қосудың тамаша жолы», – дейді Мырза Сокуров.