SUCCESS STORY

 

Шолпан Садықова – «Болашақ» бағдарламасының түлегі.

 

Израильдің Рамбам медициналық және ғылыми орталығының Гастроэнтерология институтында клиникалық тағылымдамадан өткен.

 

Қазіргі уақытта Алматы қаласындағы Қазақ медициналық үздіксіз білім беру университетінің ректоры болып жұмыс істейді.

 

Жетістіктері:

 

– Шолпан Садықова тәжірибелі дәрігердің бірі, «Терапия», «Инфекциялық аурулар» мамандығы бойынша маман/дәрігер сертификаттарына ие;
– 10 жылдан астам АРТА тәуелсіз аккредиттеу агенттігінің сарапшысы, EASL (Еуропалық бауыр ауруын зерттеу қауымдастығының) мүшесі;
– Ғылыми еңбектердің, жарияланымдардың, патенттердің авторы;
– Нидерланды, Австрия, Испания, Польша және т. б. елдердегі көптеген халықаралық конгрестердің, конференциялар мен семинарлардың қатысушысы;
– 2017 жылы Австрияның Зальцбург қаласындағы «Зальцбург медициналық семинарлары» гранттық бағдарламасы бойынша дәрігерлер мен медицина қызметкерлері арасында өткен байқаудың жеңімпазы;
– 2010 жылы Израильдің «MSR» Ұлттық медициналық модельдеу орталығында тренингтерден өткен;
– ҚР Денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасын іске асыруға қатысты;
– Ел өңірлерінде МСАК дәрігерлері, гастроэнтерологтар мен инфекционистер үшін көшпелі дәрістер және тәжірибелік сессиялар жүргізіп, дөңгелек үстелдер мен шеберлік сыныптарын өткізіп келеді.

 

COVID-19 пандемиясы кезеңінде Қазақ медициналық үздіксіз білім беру университетінің профессорлары және доценттерімен бірге Алматы қаласы мен облысының барлық клиникалық базаларында үлкен консультативтік жұмыстар жүргізді.