SUCCESS STORY

Сәбитхан Пернеханов А.Н.Бакулев атындағы Ұлттық жүрек-қантамыр хирургиясы медициналық зерттеу орталығыннан «Жүрек-қантамыр хирургиясы» мамандығы бойынша клиникалық ординатураны аяқтады.

2012-2018 жылдары Нұр-Сұлтан қаласындағы Ұлттық ғылыми медициналық орталықтың кардиохирургия бөлімінде дәрігер-кардиохирург болып жұмыс істеді.

2018 жылдан бастап Батыс Қазақстан облысы Орал қаласындағы облыстық кардиологиялық орталықтың кардиохирургиялық бөлімшесінің меңгерушісі болып қызмет атқарады.

Кардиохирург Сәбитхан Пернеханов жүрекке күрделі ота жасайды.

Сәбитхан Пернехановтың қызметі барысында кездескен күрделі жағдайлардың бірі – генетикалық ауруы бар 37 жастағы науқастың жағдайы. Науқаста марфан синдромы – қолқа аневризмасы дамыды. Егер шұғыл түрде ота жасалмаса, науқастың жағдайы күрделенуі мүмкін еді.

Науқас алғаш рет 2020 жылдың сәуір айында жүктіліктің 24 аптасында 3дәрежелі артериялық гипертензия диагнозымен жүгінген болатын. Аурудың асқыну қаупі өте жоғары болғандықтан шұғыл түрде жүректің диагностикалық эхокардиографиясы жасалды. Нәтижесінде, Вальсальва синустарының аневризмасы және 5.8-5.9 см-ге дейін қолқа аневризмасының көтерілуі, 2-дәрежелі қолқа қақпақшасының жеткіліксіздігі анықталды.

«Аневризманың мөлшері жүктілік кезінде рұқсат етілген. Біз республикалық ауруханадағы әріптестерімізбен консилиум өткіздік. Ана мен баланы құтқару міндеті тұрды. Жүктілік мерзіміне дейін жеткізу керек деп шештік, ал босанғаннан кейін жоспарлы түрде ота жасау көзделді», – дейді Сәбитхан Пернеханов.

Науқас жүктіліктің 33-ші аптасында шұғыл түрде босанды. Бала туылғаннан бес күн өткен соң, науқас клиникаға алынды. Қолқаның компьютерлік томографиясы шұғыл түрде жүргізілді, оның нәтижесі бойынша Вальсальва синустарының жедел стратификацияланған аневризмасы және Дебейка бойынша қолқаның II түрі деген диагноз қойылды.

Осындай жағдайда Сәбитхан Пернеханов науқасқа шұғыл түрде қолқаның түбірі мен жоғарғы бөлігін клапанды кондуитпен протездеу (бенталла-Де Боно операциясы) отасын жасады. Отадан кейін 10 күн ішінде науқас ауруханадан аман-есен шықты.

Қазір ана мен бала өзін жақсы сезінеді. Осылайша, «Болашақ» түлегі бірегей ота жасау арқылы ана мен баланың өмірін сақтап қалды.