ҚЫТАЙДА ОҚУ ГРАНТЫ БОЙЫНША ҚҰЖАТ ҚАБЫЛДАУ БАСТАЛДЫ

 

 

Қытай үкіметі Қазақстан Республикасының Білім және ғылым министрлігі мен Қытай Халық Республикасының Білім және ғылым министрлігі арасындағы Келісім шеңберінде 90 білім грантын және бакалавриат, магистратура, докторантура бағдарламалары бойынша Қазақстан азаматтары үшін Шанхай Ынтымақтастық Ұйымы шеңберінде 17 грант бөледі.

 

Талаптары:

– Қазақстан Республикасының азаматы болу;

– бакалавриатқа үміткерлердің орта мектеп бітіргені туралы аттестаты және жас мөлшері 25 жасқа дейін болуы тиіс;

– магистратураға үміткерлердің бакалавр дәрежесі және жас мөлшері 35 жасқа дейін болуы тиіс;

– докторантураға үміткерлердің магистр дәрежесі және жас мөлшері 40 жасқа дейін болуы тиіс;

 

Конкурс жеңімпазы үшін шетелде академиялық оқуы аяқталғаннан кейін Қазақстан Республикасына оралуы және 3 (үш) жыл мерзіммен үзіліссіз еңбек қызметін жүзеге асыру міндетті шарт болып табылады.

«Бакалавриат» бағдарламасы бойынша оқу тек қана қытай тілінде жүргізіледі.

 

Назар аударамыз!!!  Оқуда жүрген үміткерлер оқу бөлімі куәландырған қытай немесе ағылшын тілдерінде аудармасы бар, оқу кезеңінің аяқталатын күні көрсетілген, мектептен (колледж, жоо) берілген түлек мәртебесі туралы нотариалды куәландырылған анықтаманы ұсынады.

 

Грант келесі шығыстарды қамтиды:

• тегін оқу;
• бакалавриат бағдарламасына арналған ай сайынғы стипендия – 2,800 CNY, магистратураға – 3000 CNY, докторантураға – 3,500 CNY;
• медициналық сақтандыру;
• жатақхана (немесе жалға алатын тұрғын-жайдың төлемі айына шамамен 700 – 1000 CNY);

 

Көрсетілген гранттар туралы ақпарат мына вебсайтта жарияланған: http://campuschina.org/content/details3_74776.html (үміткер осы сілтеме бойынша онлайн тіркеуден өтеді).

 

ЖОО мен мамандықтардың тізімі мына сілтемеде: http://www.campuschina.org/universities/categories.html

Грантқа қалай өтінім беруге болады?

 

2021 жылғы 5 ақпанға дейін Қытай сайтында онлайн тіркеуден өтіңіз. Тіркеуге сілтеме: http://campuschina.org/content/details3_74776.html

 

Құжаттардың толық пакетін 2021 жылғы 11 қаңтардан 5 ақпанға дейін «Халықаралық бағдарламалар орталығы» АҚ-ға тапсыру.

Құжаттар тізімі:
– білімі туралы құжаттар;

– таңдаған оқу бағыты бойынша республикалық немесе халықаралық деңгейдегі іс-шараларға қатысқаны үшін алған грамоталардың, сертификаттардың, дипломдардың көшірмесі (болған жағдайда);

– PhD докторантура бағдарламасы бойынша оқу үшін ғылыми жарияланымдардың немесе оқу-әдістемелік/ғылыми әзірлемелердің тізбесі (болған жағдайда);

– заңды өкiлдің (ата-аналар, бала асырап алушылар, қорғаншы немесе қамқоршы, баланы қабылдайтын ата-ана, патронат тәрбиешi) шетелге оқуға жіберуге жазбаша нотариалдық келісімі (18 жасқа толмаған тұлғалар үшін);

– жетім балалар мен ата-анасының қамқорлығынсыз қалған балаларға тиесілілігін растайтын құжаттың түпнұсқасы – баланың ата-анасының жоқтығын растайтын құжаттың көшірмесі; бала кезінен мүгедектер мен мүгедек балалар – Қазақстан Республикасы Денсаулық сақтау және әлеуметтік даму министрінің бұйрығымен бекітілген нысан бойынша мүгедектік туралы анықтаманың түпнұсқасы;

– көп балалы отбасынан шыққан балалар-бірге тұратын төрт және одан да көп кәмелетке толмаған балалардың туу туралы куәлігінің түпнұсқасы немесе асырап алу туралы сот шешімінің көшірмесі, бірге тұратын барлық кәмелетке толмаған балаларға мекенжай анықтамалары;

– шетелдік жоғары оқу орындарынан шақыру көшірмесінің мемлекеттік тілдегі нотариалды куәландырылған аудармалары* (бар болған жағдайда);

– құжаттарды үшінші тұлға арқылы ұсынған жағдайда, конкурстық іріктеуге қатысуға құжаттарды тапсыру үшін үміткердің өкілге берген нотариалды куәландырылған сенімхаты болуы қажет.

 

Төмендегі қызметтер арқылы құжаттарға қабылдау жүргізіледі:

 – «Электрондық үкімет» порталы (Egov.kz) https://egov.kz/cms/ru/services/higher_education/pass_203_mon

 

– «Халықаралық бағдарламалар орталығы» АҚ сайтында кезекті брондау арқылы қолма қол http://bolashak.gov.kz/.

Ескерту: Пандемия жағдайында карантин режимін сақтау үшін құжаттарды онлайн түрде «электрондық үкімет» порталы (Egov.kz) арқылы беруді ұсынамыз.

Тәуелсіз сараптамалық комиссия мүшелерімен дербес әңгімелесу.

Қорытынды комиссия ұсынатын үміткерлерді бекіту.

Үміткерлердің баллдары тең болған жағдайда, жетім балалар мен ата-анасының қамқорлығынсыз қалған балаларға; бала кезінен мүгедектер мен мүгедек балаларға; көп балалы отбасынан шыққан балаларға; шетелдік жоғары оқу орындарынан шақыруы бар үміткерлерге басымдық беріледі.

Қытай тарапы стипендиаттардың түпкілікті тізімін бекітеді.

Конкурсқа қатысу үшін қойылатын талаптар туралы толық ақпаратты келесі сілтеме арқылы көруге болады:

Құжаттарды тапсыру бойынша нұсқаулық

 

Бұл стипендия Қазақстан Республикасы Білім және ғылым министрінің 2008 жылғы 19 қарашадағы № 613 бұйрығымен реттеледі: http://adilet.zan.kz/rus/docs/V080005499_

 

№1 қосымша

 

№2 қосымша
Қазақстан Республикасы азаматының сауалнамасы