SUCCESS STORY

 

Айгүл Тайтелиева – «Болашақ» бағдарламасының түлегі. Ұлыбританияның University of Sussex оқу орнынан «Халықаралық білім беру және даму» мамандығы бойынша магистратураны тәмәмдаған.

 

2015 жылы АҚШ-тың Джонс Хопкинс университетінің «Дарынды балалармен жұмыс жасау» курсынан өткен.

 

Қазіргі уақытта Шымкент қаласындағы химия-биология бағытындағы Назарбаев Зияткерлік мектебінде және «Елбасы академиясында» ағылшын тілінің мұғалімі болып қызмет атқарады.

 

Жетістіктері:

 

– Назарбаев Зияткерлік мектептерінің 10 жылдығына орай арналған төсбелгі иегері;

 

– Жаһандық азаматтарды қалыптастыруға және Түркістан облысы мектеп оқушыларының ХХІ ғасыр дағдыларын арттыруға қосқан үлесі үшін америкалық Belouga онлайн білім беру платформасының алғыс хат иегері;

 

– Нұр-Сұлтан қаласында өткен ЕҚЫҰ моделі бірінші халықаралық конференциясының қатысушысы (2020 ж., ақпан);

 

– ДББҰ XI халықаралық конференциясында «Әлемді өзгертетін мұғалімдер» тақырыбында баяндамашы (Нұр-Сұлтан, 2019 ж.);

 

– Халықаралық және отандық ғылыми журналдардағы көптеген жарияланымдардың авторы;

 

– Праймериз-2020 бойынша жастар санаты және әйел жынысты кандидаттар бойынша алғашқы ондыққа кірген үміткер;

 

– Білім беру жүйесіндегі жалпы жұмыс өтілі 8 жылды құрайды, оның 2 жылы басшылық лауазымда өткен. Педагогика, тенерлік және білім берудің барлық салаларында үлкен тәжірибе мен терең білім жинақталған.

 

Қоғамдық қызметтері:

 

– «Болашақ Оңтүстік» түлектері қауымдастығының мүшесі, қайырымдылық қызметті ұйымдастыруға белсенді қатысып тұрады.

 

– Британ Консулдығымен бірлесе отырып, «Мұражайлар» жобасында волонтер болған. Жобаның мақсаты – әлемдік қауымдастықты қазақ халқының мұрасымен таныстыру, бүкіл Қазақстан бойынша мұражай артефактілерінің атауларын ағылшын тіліне аудару (2010 ж.);

 

– Астана қаласында өткен ЕҚЫҰ саммитінде волонтер-аудармашы (2010 ж.);

 

– Түркістан облысы Төлеби ауданының шалғай аудандарында мектеп оқушыларын компьютерлермен және планшеттермен қамтамасыз ету мақсатында американдық Belouga онлайн білім беру платформасында өткен халықаралық қайырымдылық іс-шарасына белсенді қатысты (2018 ж.);

 

– Шымкент қаласындағы химия-биология бағытындағы Назарбаев Зияткерлік мектебінің оқушыларымен облыстық балалар ауруханасында жүрек-қан тамырлары аурулармен ауыратын балаларға арналған қайырымдылық концертін ұйымдастырды (2019 ж.);

 

Айгүл Қазақстандағы әйелдер мен балалардың құқықтары және мүмкіндіктерін арттыру мақсатында сапалы білім мен гендерлік теңдікке қолжетімділікті қамтамасыз ету тақырыбына бей-жай қарамайтын, белсенді өмірлік ұстанымы бар маманның бірі.