SUCCESS STORY

 

Әсет Бегалиев – «Болашақ» бағдарламасының түлегі, Аdal Works ірі клинингтік компаниясының негізін қалаушы. Ұлыбританиядағы Манчестер университетінен «Жобаларды басқару» мамандығы бойынша магистратураны тәмәмдаған.

 

2018 жылы Әсет квазимемлекеттік сектордағы басшылық қызметінен кетіп, кәсіпкерлік салаға, клинингпен айналысуға шешім қабылдады. Бүгінде оның Adal Works компаниясының жылдық айналымы 300 млн теңгеге жуықтады. Әсет компанияны дамыта отырып, жаһандық бизнесті құру бойынша жұмыс істеуде.

 

Клинингтік компания ашу туралы идея әу баста Әсет үшін жекеменшік үйлердің аумағын күту бойынша қызмет көрсету барысында туындаған. Алайда ол тазарту компанияларының нарығын талдап, бизнесін кіреберістерді тазалаудан бастауға шешім қабылдады.

 

Бастапқы капитал болған жоқ, өйткені бұл бизнесте үлкен инвестициялар талап етілмейді. Сондықтан Әсет алдымен тұрғынүй кешені үшін құрал-жабдықтар мен химиялық жуғыш заттар сатып алуға 10-15 мың теңге жұмсады.
Кейінірек оның тапсырыстары инвестициялары миллионнан асып жығылатын үйлер болды. Бастапқыда ол барлық жұмыс процесінің қыр-сырын түсіну үшін жалдамалы адамдарымен бірге өзі де жұмыс істеуге мәжбүр болды.

 

Бүгінде Adal Works құрамында 180-ге жуық адам еңбек етуде, олар Елорданың 40-қа жуық тұрғын үй кешеніне қызмет көрсетеді.